ԵՊՀ գրադարանի հազվագյուտ գրքերի բաժնում պահպանվում են դարերի պատմություն կրող գրքեր ու ձեռագրեր, որոնք իրենց մեջ ամփոփում են մարդկային մտքի, գիտության ու մշակույթի զարգացման ամբողջ ճանապարհը։ Հեռավոր անցյալից մինչև մեր օրերը հասած այս հազվագյուտ գրքերի յուրաքանչյուր էջ պատմում է իր ժամանակի, մարդկանց ու գաղափարների մասին։ Այս ռեպորտաժում բացահայտում ենք ԵՊՀ գրադարանի հազվագյուտ գրքերի աշխարհը՝ մի յուրահատուկ տարածք, որտեղ պահպանվում են արժեքավոր հրատարակություններ, հնատիպ գրքեր և ձեռագրեր, որոնք սերնդեսերունդ փոխանցում են մարդկության մտավոր ժառանգությունը։